తెలుగు పతాక గీతం
తెలుగు పతాకమా...
మా జాతి పతాకమా...
ఎగరవేస్తాం మళ్ళీ పైపైకి
మా గుండెల ఊపిరి పోసే || తెలుగు ||
ఒక్కోతరం, ఒక్కోతరం
ఎంత నలిగిపొయ్యావో...
ఏ చీకటి దుమ్ములో
ఎంత మాసిపొయ్యావో...
నీ ఏపుకు అడ్డమైన ప్రతికంపను పెళ్లగించి
జనం బతుకు మలుపుల్లో ఏరువాక పొంగిస్తాం || తెలుగు ||
ఏ అవసర దూరాలను
నీ గొంతై కలుపునో...
ఏ అలజడి తీరాలను
నీ నడకై నిలుపునో...
అదే యాస, అదే బాస శ్వాసశ్వాసకూ పంచి
ఉద్యమాల కనురెప్పల రెపరెపలై జీవిస్తాం || తెలుగు ||
