మూడు రంగుల జెండా

మూడు రంగుల జెండా
ముచ్చటైన జెండా
భారతీయుల జెండా
బహు గొప్ప జెండా

అందరూ మెచ్చిన జెండా
ఆకాశంలో ఎగిరే జెండా
అంధకారం పోగొట్టిన జెండా
ఆశలు మనలో రేపిన జెండా

గాంధీతాత మెచ్చిన జెండా
నెహ్రూ గారికి నచ్చిన జెండా
భగత్ సింగ్ పట్టిన జెండా
బోసునేత ఎగరేసిన జెండా

తెల్ల దొరలను ఎదిరించిన జెండా
చల్లగా స్వరాజ్యం తెచ్చిన జెండా
అందరి మదిలో నిండిన జెండా
పింగళి వెంకయ్య ఊహల జెండా

శాంతి సహనం చూపిన జెండా
అందరి నొక్కటిగా నడిపిన జెండా
మంచి మమతలు చూపిన జెండా
ఇదే నండి మన జాతీయ జెండా