తల్లీ భారతి వందనము

తల్లీ భారతి వందనము - తల్లీ భారతి వందనము
నీ ఇల్లే మా నందనము - మేమంతా నీ పిల్లలము
నీ చల్లని ఒడిలో మల్లెలము - తల్లి తండ్రులను గురువులను
ఎల్లవేళల కొలిచెదమమ్మ - చదువులు బాగాచదివెదమమ్మ
జాతిగౌరవము పెంచెదమమ్మ - కుల మత భేదము మరచెదము
కలతలు మాని మెలగెదము - మానవులంతా సమానులంటూ
మమతను సమతను పెంచెదము - తెలుగుజాతికి అభ్యుదయం
నవభారతికి నవోదయం - భావిపౌరులం మనం మనం
భారత జనులకు జయం జయం - భావిపౌరులం మనం మనం