என் மீட்பர் உயிரோடிருக்கையிலே

என் மீட்பர் உயிரோடிருக்கையிலே எனக்
கென்ன குறையுண்டு நீ சொல், மனமே

1. என்னுயிர் மீட்கவே தன்னுயிர் கொடுத்தோர்,
  என்னோடிருக்கவே எழுத்திருந்தோர்
  விண்ணுலகுயர்ந்தோர், உன்னதஞ்சிறந்தோர்,
   மித்திரனே சுகபத்திர மருளும்.
    -என் மீட்பர்

2. பாபமோ, மரணமோ, நரகமோ, பேயோ,
  பயந்து நடுங்கிட ஜெயஞ் சிறந்தோர்,
  சாபமே தீர்த்தோர் சற்குருநாதன்:
   சஞ்சலமினியேன்? நெஞ்சமே, மகிழாய்.
    -என் மீட்பர்

3. ஆசிசெய்திடுவார், அருள்மிக அளிப்பார்,
  அம்பரத் தனிலெனக்காய் ஜெபிப்பார்:
  மோட்சமே மறைப்பார், முன்னமே நடப்பார்,
   மோட்ச வழி சத்யம் வாசல் உயிரெனும்.
    -என் மீட்பர்

4. கவலைகள் தீர்ப்பார், கண்ணீர் துடைப்பார்:
   கடைசி மட்டுங் கைவிடாதிருப்பார்:
  பவமனிப்பளிப்பார், பாக்கியங் கொடுப்பார்,
  பரம பதவியினுற் என்றனை எடுப்பார்.
    -என் மீட்பர்

5. போனது போகட்டும், புவி வசை பேசட்டும்,
  பொல்லான் அம்புகளெய்திடட்டும்,
  ஆனது ஆகட்டும், அருள்மழை பெய்திடும்,
  அன்புமிகும் பேரின்ப மெனக்கருள்.
    -என் மீட்பர்.