आम्हां नाहीं अभ्यास केला

दुपारचा वाजला एक
आईने केला केक
केक खाण्यात एक तास गेला
आम्ही नाही अभ्यास केला


दुपारचे वाजले दोन
बाबांचा आला फोन
फोनवर बोलण्यात एक तास गेला
आम्ही नाही अभ्यास केला


दुपारचे वाजले तीन
ताईची हरवली पीन
पीन शोधण्यात एक तास गेला
आम्ही नाही अभ्यास केला


दुपारचे वाजले चार
आईनी दिला मार
मार खाउन रडण्यात एक तास गेला
आम्ही नाही अभ्यास केला


संध्याकाळचे वाजले पाच
ताईने केला नाच
नाच बघण्यात एक तास गेला
आम्ही नाही अभ्यास केला


संध्याकाळचे वाजले सहा
आईने केला चहा
चहा पिण्यात एक तास गेला
आम्ही नाही अभ्यास केला


संध्याकाळचे वाजले सात
आईने केला भात
भात खाण्यात एक तास गेला
आम्ही नाही अभ्यास केला


रात्रीचे वाजले आठ
ताईने फोडला माठ
तुकडे उचलण्यात एक तास गेला
आम्ही नाही अभ्यास केला


रात्रीचे वाजले नउ
घरात शिरली माउ 
माउ हाकलण्यात एक तास गेला
आम्ही नाही अभ्यास केला

रात्रीचे वाजले दहा
टीव्ही वरची गंमत पहा  
टीव्ही बघण्यात एक तास गेला
आम्ही नाही अभ्यास केला
 
रात्रीचे वाजले अकरा
बिल्डिंगमध्ये शिरला बकरा  
बकरा हाकलण्यात एक तास गेला
आम्ही नाही अभ्यास केला
 
रात्रीचे वाजले बारा
आईचा चढला पारा
तिला शांत करण्यात एक तास गेला
आम्ही नाही अभ्यास केला