பரிசுத்த ஆவியே வாருமையா

பரிசுத்த ஆவியே வாருமையா
பரலோக பலத்தால் நிரப்புமையா - 2

1. அனுதின வாழ்வில் பரிசுத்தனாக
விளங்கிட எந்தனுக்குதவுமையா - 2
அனலாவியாலே அடியேனை நிரப்பி
அக்கினிப் பிளம்பாய் மாற்றுமையா - 2 பரிசுத்த

2. உன்னத நோக்கம் உயர்ந்ததோர் வாழ்வு
உயர்வான இலட்சியம் தாருமையா
உலகினை மறந்து உந்தனை நோக்கி
அனுதினம் ஓடிட உதவுமையா         - பரிசுத்த

3. சாத்தானின் சோதனை நெருங்கிடும் வேளை
சத்துவத்தால் என்னை நிரப்புமையா
சதியான யோசனை தவறான சிந்தனை
இவைகளுக்கு என்னை விலக்குமையா   - பரிசுத்த

4. பாரத தேசம் உந்தனைக் காண
பரந்ததோர் தரிசனம் தாருமையா
பரலோக தேசத்தை பாரத புதல்வர்
சுதந்திரமாக்கிட உதவுமையா         - பரிசுத்த