తేనెల తేటల మాటలతో
తేనెల తేటల మాటలతో
మన దేశ మాతనే కొలిచెదమా
భావం, భాగ్యం కూర్చుకుని
నవ జీవన యానం చేయుదమా //తేనెల//
సాగర మేఖల చుట్టుకొని
సురగంగ చీరగా మలచుకొని
స్వేచ్ఛాగానం పాడుకొని
మన దేవికి ఇవ్వాలి హారతులు //తేనెల//
గాంగ జటాధర భావనతో
హిమశైల రూపమే నిలబడగా
గల గల పారే నదులన్నీ
ఒక బృంద గానమే చేస్తుంటే //తేనెల//
ఎందరొ వీరుల త్యాగ ఫలం
మన నేటి స్వేచ్చకే మూల బలం
వారందరినీ తలచుకొని
మన మానస వీధిని నిలుపుకొని //తేనెల//
