நகரப் படலம் - 127

மாளிகைகள் மலைகளை ஒத்திருத்தல்

127.

அருவியின் தாழ்ந்து, முத்து அலங்கு தாமத்த;
விரி முகிற்குலம் எனக் கொடி விராயின;
பரு மணிக் குவையன; பசும் பொன் கோடிய;
பொரு மயில் கணத்தன;- மலையும் போன்றன.
 
அருவியின்     தாழ்ந்து - (அம்மாளிகைகள்) நீர் அருவி போலத்
தாழ்ந்து;  அலங்கு  முத்து  தாமத்த-  அசையும்  முத்து மாலைகளை
உடையவை;  விரி  முகில் குலம்என- பரந்த மேகக் கூட்டத்தை ஒத்த;
கொடி  வீராயின-  கொடிகள்  பரவியுள்ளவை; பருமணிக் குவையன-
பெரிய  மணிகளின்  குவியல்களை  உடையன;  பசும்பொன் கோடிய-
பசும்பொன்    குவைகளை   உடையன;   பொரு   மயிற்கணத்தன-
வடிவொத்த மயில்களை உடையன.

‘பொரு    மயில் கணத்தன’ என்பதற்கு உருவ அழகால் ஒத்த மயில்
போன்ற  மகளிர்  கூட்டத்தை    உடையவை என்பதும் பொருத்தமான
பொருளாம்.

மலையும்   போன்றுள்ள:  மலையைப் போலவும் இருப்ப. அருவியும்,
முகிலும்,    மணியும்,     பொன்னும்,   மயிலும்   மலையில்   உள்ள
பொருள்களாகும்.       அருவி    போன்ற    முத்து    மாலைகளும்
பன்மணித்திரள்      பொன்குவயல்-    ஆகியனவும்   மாளிகைகளில்
இருப்பதால்      மலையை   ஒத்திருந்தன   என்கிறார்.   அலங்குதல்:
அசைதல்:  தாமதம்:    மாலை:  பருமணி:  பருத்த  மணிகள்:  கணம்:
கூட்டம்.                                                 35