கடிமணப் படலம் - 1338

மகிழ்ச்சி ஆரவாரம்

மங்கல ஆரவாரம்
 
1338.    

ஆர்த்தன பேரிகள்; ஆர்த்தன சங்கம்;
ஆர்த்தன நான்மறை; ஆர்த்தனர் வானோர்;
ஆர்த்தன பல் கலை; ஆர்த்தன பல்லாண்டு;
ஆர்த்தன வண்டு இனம்; ஆர்த்தன வேலை.
 
ஆர்த்தன பேரிகள்- அப்பொழுது மங்கல  பேரிகைகள் முழங்கின;
ஆர்த்தன  சங்கம்  -  சங்க  வாத்தியங்கள்  முழங்கின;  ஆர்த்தன
நான்மறை  - நான்கு வேதங்களும் முழங்கின; ஆர்த்தனர் வானோர்-
தேவர்கள்  (ஆனந்தத்தால்)  முழங்கினர்;  ஆர்த்தன பல்கலை - பல்
வகைக்கலைகளும்     ஆர்ப்பரித்தன;   ஆர்த்தன   பல்லாண்டு  -
பல்லாண்டு இசைகள் (எங்கும்) ஒலித்தன;  ஆர்த்தன வண்டு இனம் -
(மலர்   மாலைகளில்    மொய்த்த)    வண்டினங்களும்   (இம்மகிழ்ச்சி
வெள்ளத்தில்  பங்கு  கொள்பவைபோல்)  ஆரவாரித்தன;   ஆர்த்தன
வேலை - கடல்களும் (மகிழ்ச்சியில் பங்குபெற்று) ஆர்ப்பரித்தன! 

உலகுக்கு     நலம் விளைக்கும்  பெருநிகழ்வுகள்  நிகழுங்காலத்தே.
இயற்கைக்   கூறுகளும்  பங்குபெறும்  எனக்குறிக்கும்   இலக்கிய  மரபு
பற்றி.  அறந்தலை  நிறுத்த  வந்த   மணம்  இதுவாதலின்.  “ஆர்த்தன
வண்டினம்;    ஆர்த்தன    வேலை”     என்றார்.     சொற்பொருட்
பின்வருநிலையணி.                                          93