வேள்விப் படலம் - 472

அரக்கர் படை இரிந்து ஓடுதல்

472.

ஓடின அரக்கரை உருமின் வெங் கணை
கூடின; குநைத் தலை மிறைத்துக் கூத்து நின்று
ஆடின; அலகையும். ஐயன் கீர்த்தியைப்
பாடின; பரந்தன. பறவைப் பந்தரே.
 
ஓடின அரக்கரை  -  அவ்வாறு  பயந்து   ஓடிய   அரக்கர்களை;
உருமின்  வெங்கணை  -  அவர்களைக்  கொல்லுமாறு  ராமபிரானால்
ஏவப்பட்ட   கொடிய   அம்புகள்;  கூடின  -உரிய இலக்கைப் போய்ச்
சேர்ந்தன;   குறைத்தலை  -   (அதனால்  அரக்கர்கள்  கொல்லப்பட
அவர்களது குறையுடல்களான கவந்தங்கள்; மிறைத்து நின்று ஆடின -
விறைத்து  நின்று   ரத்த  வெள்ளத்தில்  ஆடலாயின;  அலகையும் -
பிணங்களை   வாரித்தின்ன    வந்த  பேய்களும்;  ஐயன்கீர்த்தியைப்
பாடின  -  இராமபிரானது   வெற்றிப்  புகழைப் பாடலாயின; பறவைப்
பந்தர்  பரந்தன  -  பந்தல்  போலப்  பறவைக்  கூட்டம் வானத்தில்
விரிந்தன.  

உருமு:   இடி.  உருமின் வெங்கணை: இடி போன்ற கொடிய அம்பு.
குறைத்தலை:  தலை  துணிக்கப்பட்ட  முண்டம் (கவந்தம்).  மிறைத்தல்:
விறைத்தல்.  அலகை: பேய்.  ஐயன்:மேலோன்: கீர்த்தி: புகழ்.  பரந்தல்:
விரிதல். பந்தர்: பந்தர் ஈற்றுப் போலி.                         53