வேள்விப் படலம் - 465

அரக்கர் படையினை
இராமபிரான் இலக்குவற்குக் காட்டுதல்

465.

கருவடை எயிற்றினர்; கடித்த வாயினர்;
துவர் நிறப் பங்கியர்; சுழல் கண் தீயினர்;
‘பவர் சடை அந்தணன் பணித்த தீயவர்
இவர்’ என. இலக்குவதற்கு இராமன் காட்டினான்.
   
கவர் உடை எயிற்றினர்- பிளவுப்பட்ட பற்களை உடையவர்களும்;
கடித்த   வாயினர்   -   பற்களால்   உதட்டைக்   கடித்த   வாயை
உடையவர்களும்;  துவர் நிறப்பங்கியர் - பவளம் போன்ற நிறமுடைய
தலை  மயிரை  உடையவர்களும்;  சுழல்கண்  தீயினர்  - சுழலுகின்ற
கண்களிலே   தீயை  உடையவர்களும்  ஆகிய இவர்களே; பவர் சடை
அந்தணன்  -   செறிந்த  சடை  முடியை  உடைய விசுவாமித்திரரின்;
பணித்த  தீயவர்  இவர்  -  சொன்ன கொடிய அரக்கர்களாகும்; என
இலக்குவனுக்கு  இராமன்   காட்டினான்  -  என்று  இலக்குவனுக்கு
இராமன் சுட்டிக் காட்டினான்.  

கவர்: பிளவு.  எயிறு:  பல்.  துவர்:  பவளம்.  பங்கி:  மயிர்.  பவர்:
செறிவு                                                   46