வரைக்காட்சிப் படலம் - 962

அனைவரும் மலைவளத்தில் ஈடுபட்டிருத்தல்

962.

இறக்கும் என்பதை எண்ணிலர். எண்ணுங்கால்.
பிறக்கும் என்பது ஒர் பீழையது ஆதலால்.
துறக்கம் எய்திய தூயவரே என.
மறக்ககிற்றிலர். அன்னதன் மாண்பு எலாம்.
 
(அங்கே     தங்கிய ஆடவரும். மகளிரும்); இறக்கம்  என்பதை -
(மலையை  விட்டு)  இறங்குவது  என்பதை;  எண்ணுங்கால்  அது  -
நினைத்தால்  அச்  செயல்; ஒர் பீழை பிறக்கும் - பெருந் துன்பத்தை
உண்டாக்கும்; என்பது ஆதலால் - என்ற காரணத்தால்; எண்ணிலர் -
(அதை மனத்தாலும்)  நினையாதவரானார்கள்  (அல்லாமலும்  அவர்கள்);
துறக்கம் எய்திய - விண்ணுலக இன்பத்தை நுகர்கின்றன; தூயவர் என
-  சான்றோர்  போல; அன்னதன் மாண்பு எலாம் - அந்த மலையின்
வளங்களையெல்லாம்;  மறக்க   கிற்றிலர்   -   மறக்க  முடியாதவர்
ஆனார்கள். 

துறக்கம்     புக்க  சான்றோர்  அதன் சிறப்பை எண்ணுவதல்லாமல்
வேறு  எதனையும்  மனத்தாலும்  கருதாதவாறு போல. அந்த மலையைச்
சேர்ந்த      ஆடவரும்      மகளிரும்     அம்     மலைவளத்தில்
ஈடுபட்டிருந்தார்களேயன்றி     வேறு    எதையும்    நினைக்கவில்லை
என்பது.                                                  35