எதிர்கொள் படலம் - 1146

மாளிகைகளின் வருணனை

1146.    

சூடகம் துயல்வர. கோதை
   சோர்தர. மலர்ப்
பாடகம் பரதநூல்
   பகர. வெங் கட கரிக்
கோடு அரங்கிட எழும்
   குவி தடங் கொங்கையார்.
ஆடு அரங்கு அல்லவே -
   அணி அரங்கு அயல் எலாம்.
 
அணி     அரங்கு அயல்எலாம்- (அந்த நரகத்து வீதிகளிலுள்ள)
அழகிய  மண்டபங்களின்  பக்கங்களில்  எல்லாம்; சூடகம் துயல் வர.
கோதை  சோர்தர  - தம் கைவளைகள் அசையவும். கூந்தல் தளர்ந்து
சரியவும்; மலர்ப் பாடகம்  பரத  நூல்  பகர  -  செந்தாமரை மலர்
போன்ற மெல்லிய பாதங்களில் பாடகம் என்னும்   காலணிகள் (நாட்டிய
சாத்திரமாகிய)  பரத  நூலிற்  கூறப்பட்ட தாளவிதி முறைகளைத்   (தம்
ஒலியால்) வெளிப்படுத்தவும்;  வெங்கடகரிக்கோடு  அரங்கிட  எழும்
குவிதடங்கொங்கையர் - கொடிய மதமுடைய யானைகளின் கொம்புகள்
(அழகு)    கெடும்பிடியாக.   எழுந்து   குவிந்து   அகன்ற     பெரிய
தனங்களையுடைய மகளிர்; ஆடுஅரங்கு  அல்ல - ஆடல்புரியும் நடன
அரங்குகள்  போல (எங்கும்) தோன்றினும்  நடன  அரங்கங்கள்  என்று
கருதவேண்டா;அவர்கள் வாழும் மாளிகைகளே அவை என்று   துணிக.
துணிக.  

வளை     ஒலியும்.   குழல்  சரிவும்.   காரணித் தாளமுமாகச் சூழ
மங்கையர்  ஒல்கி ஒசிந்து நிற்கும் இடம் எல்லாம்  ஆடரங்கம்  என்றே
தோன்றும்;  ஏமாற  வேண்டா;  அவரவர்   மாடமாளிகைகளே  எனச்
சுறையுறக்  கூறினார். மாளிகைகள் யாவும்  அன்று  மகளிர் ஆடரங்கம்
போல மகிழ்வில் திளைத்தன என்பதாம்.                        33